Фота Алены Майсюк
| Навiны | |
04 студзеня 2024 «Папараць» запісалі і зрабілі відэа на беларускую традыцыйную шчадроўку «А ў бару, ў бару».03 верасня 2023 Відэа на беларускую народную песню «Калыханка», сумесная праца з мастаком пясочнай анімацыі Веранікай Паплаўскай.10 лютага 2023 Пабачыў свет альбом «Глубина» праекта «Папараць». У яго вайшлі рускамоўныя песні, напісаныя Таццянай Салаўёвай.31 снежня 2022 Праект «Папараць» запісаў і зрабіў відэа на беларускую традыцыйную калядку «Нова радасць стала».28 кастрычніка 2022 Відеа выступу праекта «Папараць» у канцэрце «Восеньскі Jam» на XXXVI фестывалі аўтарскай песні, паэзіі і візуальных мастацтваў «Віцебскі лістапад».16 жніўня 2022 Выкладзеныя фрагменты канцерту праекта «Папараць» на Міжнародным этна-эка-фестывалі «Карані».10 лютага 2022 Пабачыў свет альбом «Вуціца» праекта «Папараць». У яго вайшлі апрацоўкі беларускіх народных песень, зробленыя калектывам за апошнія некалькі год.05 студзеня 2022 Фрагмент навагодняга канцэрта 31 снежня 2021 на тэлеканале «Гродно+»: Январская на верш Таццяны Шеінай.22 жніўня 2021 Выкладзенае відэа канцерту праекта «Папараць» у тайм-клубе «1387» у Бабруйску. Дзякуем Сяргею Старыкаву за перкусійную падтрымку.21 жніўня 2021 Выкладзенае відэа канцерту праекта «Папараць» на тэрыторыі адпачынку «Велес» 13.08.2021 на святкаванні сумесных народзін Іллі Пячыніна і Паўла Салаўёва. Дзякуем Андрэю Абрамаву за відэа.06 ліпеня 2021 Выйшаў купальскі альбом «Заклятая кветка купальная» з удзелам Таццяны Салаўёвай і музыкаў яе праекту.30 снежня 2020 Відеакліп песні «Святы вечар» на верш Ларысы Геніюш, зняты Сяргеем Марозавым па сценарыю Васіля Калача, быў паказаны ў навагоднім эфіры тэлеканала «Гродна+».11 ліпеня 2020 Выйшла ў эфір перадача «Тэрыторыя гуку» на Нацыянальным радыё (вядоўца Аліна Страшкевіч) з запісам праекта «Homo Homini».06 лiстапада 2019 На VIII Фестывалi песнi Анны Герман «Эўрыдыка» в Менску Таццяна атрымала Спецыяльную ўзнагароду за лепшае выкананне на польскай мове з песняй «Szansa» (вiдэа з гала-канцэрту).30 ліпеня 2019 Відэа песні «Телеграфный блюз» аўтарства Канстанціна Арбеніна з канцэрта ў Лідзе 26 ліпеня 2019.15 чэрвеня 2019 Выйшла ў эфір перадача «Тэрыторыя гуку» на Нацыянальным радыё (вядоўца Аліна Страшкевіч).09 ліпеня 2018 Запіс песні «Венецыянскія матывы» на верш Лейба Найдуса ў перакладзе з ідыш Ісроэла Некрасава у этэры праграмы «Просто утро» на тэлеканале Беларусь 4.08 лістапада 2018 Прэмьера песні «Сыплюцца з клёнаў лісты...» на верш Натальлі Арсеньневай на вечарыне, прысвечанай яе 115-годдзю, у Цэнтры гарадскога жыцця ў Гародні.31 кастрычніка 2018 Поўная відэаверсія праграмы «Homo homini» у галерэе «Высоцкі» у Кіеве 10 жніўня 2018 г. За гук, запіс і мантаж дзякуй Сяргею Хаменка.17 ліпеня 2018 Жывая ФБ-трансляцыя музычна-паэтычнай праграмы «Homo homini» сумесна з менскай паэткай Таццянай Шеінай у гарадзенскім клубе творчай інтэлігенцыі «Грані».09 ліпеня 2018 Запіс этэра праграмы «Просто утро» на тэлеканале Беларусь 4 з інтэрв'ю і песняй «Июньская» на верш Таццяны Шэінай.26 чэрвеня 2018 Відэа песні «Прошласць» (аўтар Ярамір Ногавіца, пераклад Паўла Салаўёва) записана нажыва на вуліцы Леванабярэжнай у Гародні.10 сакавіка 2018 У Гомелі прайшла прэмьера літаратурна-музычнага праекта «Homo homini» сумесна з менскай паэткай Таццянай Шеінай.28 снежня 2017 Каляднае віншаванне: відэа песні «Январская» на верш Таццяны Шэінай (знята ў Лютэранскай царкве св. Яна ў Гародні).30 кастрычніка 2017 Апублікавана відэа выступу («Лета», «Калышыця» «Ты приходишь издалека») на фестывалі «Журавінка» ў Ганцавічах.14 мая 2016 Відэа («Калышыця», «Марья», «Ты приходишь издалека») выступу Таццяны Салаўёвай, Аляксандра Блахіна і Ігара Адасіка ў канцэрце «Наполним музыкой сердца» (Гродна, 14.04.2016).19 апреля 2016 Апублікаванае поўнае відэа канцерта-перформанса групы сучаснай харэаграфіі «ТАД» на песні Таццяны Салаўёвай (запіс 2013 года).06 лютага 2015 Запісаныя тры песні Ўладзіміра Захарава на вершы беларускіх паэтаў Ю.Гумянюка, У.Караткевіча, А.Бембеля ў выкананні Таццяны.19 верасня 2014 Відэа («Вясна Красна», «Калыханка») выступу Таццяны Салаўёвай, Аляксандра Блахіна і Ігара Адасіка на Фестывалі сярэднявечнай і этнічнай музыкі (Гродна, 14.09.2014).05 красавіка 2014 Аўдыёзапiс перадачы Ягора Чупракова «Жывое радыё» 03.04.2014 з удзелам Таццяны Салаўёвай i Аляксандра Блахiна (радыё MFM 105fm, Гродна).03 красавiка 2014 Песня Таццяны на верш Валярыны Куставай «Парыжанiн» трапiла ў складанку песень на вершы беларускiх паэтаў «Паэты жывуць у песнях».02 сакавiка 2014 Вiдэа (з 50:25) выступу на вечары музыкi i паэзii ў рамках фестываля «Каложский благавест» у Гродна.17 чэрвеня 2013 Апублiкаваныя некалькi вiдэа з канцерта-перфоманса Таццяны і групы сучаснай харэаграфіі «ТАД».26 апреля 2013 На тэлеканале «Гродна Плюс» выйшла перадача «Терыторыя музыкi» з удзелам Таццяны (вiдэа).26 студзеня 2013 Апублiкаваны клiп на песню «Дудка» (відэа), зняты ў рамках праекта LDZvideo, рэалізаванага нашымі сябрамі з Stowarzyszenie Topografie.23 лiстапада 2012 Прэм'ера песні«Светлому дню» (відэа). Упершыню выконвалася ў нядзелю 18.11.2012 на Вялікім Фінале фестывалю OPPA ў Варшаве.18 лiстапада 2012 Таццяна стала лаўрэатам Залатой Пяцёркі Міжнароднага фестывалю бардаў «OPPA» у Варшаве.24 октября 2012 Выступ Таццяны і Аляксандра (вiдэа) на гала-канцэрце фестывалю «Tai–aš» у царкве Сьв. Катрыны. Вільня, 21.10.2012. |
Гурт «Папараць»
«Папараць» – гэта Таццяна Салаўёва і музыкі, якія граюць з ёю. Аснову калектыву складаюць Ігар Адасік (перкусія), Павел Салаўёў (мелодыка, калімба, дрымлы, гуслі, ксілафон ды інш.) і Ілля Пячынін (бас-гітара, флейты; лідар one-man праекту «Аум!»). У 2022-2023 г. разам з гуртом грала цымбалістка Аліна Бойка. Калектыў выступае з канцэртнай праграмай з песень аўтарства Таццяны, песень на вершы беларускіх паэтаў і ўласных апрацовак беларускіх народных песень, прымае запрашэнні на канцэрты і фестывалі.
Канцэрты калектыва пад папярэдняю назваю «Акустычны праект Таццяны Салаўёвай» адбываліся ў Беларусі, Польшчы, Латвіі, Літве, Украіне. Сёння «Папараць» канцэртуе пераважна ў Беларусі. Выданыя тры альбомы: «Вуціца» (апрацоўкі беларускіх народных песень), «Глубина» (рускамоўныя песні, напісаныя Таццянай) і «Заклятая кветка купальная» (яшчэ не пад назваю «Папараць», разам з праектам «Аум!»).
Таццяна Салаўёва – аўтар песень, кампазітар з горада Гродна на Беларусі.
Піша і выконвае творы на стыку аўтарскай/камернай песні і этнікі, апрацоўвае беларускія народныя песні, супрацоўнічае з акадэмічнымі музыкамі і харэаграфічнымі калектывамі. Лаўрэат і прызёр беларускіх, украінскіх, расійскіх і польскіх фестываляў аўтарскай песні; госць фестываляў бардаўскай, акустычнай і этнічнай музыкі ў Беларусі, Польшчы і Прыбалтыцы.
Яе музычныя захапленні – як класічная (акадэмічная) музыка, так і джаз, арт-рок, этніка, з асаблівай любоўю да эксперыментаў па змешванні розных стыляў. Таму яе творы такія разнастайныя: ад класічнай аўтарскай песні да фольку і арт-рока.
Супраца Таццяна з мульціінструменталістам Аляксандрам Блахіным дала пачатак праекту ў 2012 годзе. Аляксандр – лідэр лідскай групы «Немо», грае на этнічных духавых (флейты, жалейкі, акарыны, калюка, сякухаці), перкусіі, варгане, калимбе і іншых інструментах; вырабляе музычныя інструменты для сябе і для вядомых беларускіх калектываў, і час ад часу грае з «Папараццю».
|
|
Музычна-паэтычны праект «Homo homini»
«Homo homini» – гэта музычна-паэтычны спектакль, створаны сумесна з менскай паэткай Таццянай Шеінай. Сцэнічнае дзейства, на працягу 70 хвілін якога нон-стоп гучаць вершы і песні, канцэптуальна і тэматычная звязаныя паміж сабою, уключае вершы Таццяны Шэінай і Паўла Салаўёва і песні Таццяны Салаўёвай на ўласныя вершы, вершы Таццяны Шэінай і Паўла Салаўёва і паэтаў-сучаснікаў на рускай і беларускай мовах.
Паказы праекту адбыліся ў Гомелі, Менску, Гародне, іеве, Рэчыцэ і Пінску. Праект зачынены ў сувязі з ад'ездам Таццяны Шэінай ў ЗША.
Канцэрт-перфоманс Таццяны Салаўёвай і групы сучаснай харэаграфіі «ТАД»
У 2013 годзе адбылося супрацоўніцтва Таццяны Салаўёвай з гродзенскай групай сучаснай харэаграфіі «ТАД» пад кіраўніцтвам Дзмітрыя Куракулава. Таццяна і «ТАД» падрыхтавалі і прадставілі гродзенскай публіцы канцэрт-перфоманс.
Гэта жывы канцэрт камерных песень аўтарства Таццяны і яе апрацовак беларускіх народных песень; для кожнай песні Дзмітрыем Куракулавым знойдзена харэаграфічнае рашэнне; нумары ўтвараюць некалькі блокаў, звязаных агульнай ідэяй, строямі і дэкарацыямі. Працягласць канцэрта-перформансу крыху больш за гадзіну, ён разлічаны на камерныя залы. Унікальнасць яго, акрамя ўсяго іншага, у тым, што (наколькі нам вядома) ніхто, ніколі і нідзе не танцаваў камерную і аўтарскую песню ў такім аб'ёме, у выглядзе цэласнага спектакля.
У спектаклі, акрамя Таццяны і танцораў групы «ТАД», прымалі удзел музыканты Аляксандр Блахін (этнічныя духавыя, варган, перкусія) і Ігар Адасік (перкусія, тыбецкія пяючыя чашы, шумавыя эфекты). На жаль, група «ТАД» больш не існуе, і канцэрт-перформанс быў паказаны толькі два разы.